Baserritarrak

Aretoan sartu ahala, ezkerreko paretan, altura ezberdinetan, kokatutako hamabi emakumezko, bi gizonezko eta neska mutiko bana topatuko ditugu. Jantzi guztiak XX. mende hasierako argazki edo jatorrizko arropen erreplikak dira. Euskal Herriko lau probintziako baserritar jantziak dira; Gipuzkoa, Bizkaia, Lapurdi eta Zuberoa.

Eskuineko paretan, XX  mende hasieran ateratako argazkiak. Zuri-beltzean baserrian bizi ziren gizon-emakumeen aurpegiak, begirada, eta bide batez jantziak ikusiko ditugu. Argazkiak Eulalia Abaitua Allende-Salazar argazkilari bilbotarrak  ateratakoak dira.

Eulalia Abaitua Allende-Salazar Bilbon jaio zen 1853 urtean  familia burges batean. Hirugarren Gerra Karlistarekin batera, familia Liverpoolera (Ingalaterra) joan zen bizitzera. Bertan ikasi zuen Eulalia Abaituak argazkigintza. Bilbora itzulita, bere etxeko
sotoan, argazki laborategia instalatu zuen, eta mende aldaketaren lekuko izanik, amaitzear zen baserritarren bizimodua ezin hobetu jaso zuen bere argazkietan. Lehen euskal argazkilariaren irudiak Bilboko Euskal Museoan gordetzen dira.